Pagkonekta sa Bluetooth device

Ang Bluetooth ay para sa malalapit na teknolohiya ng wireless networking. Ang pang-komunikasyong function ng Bluetooth ay hahayaan kang makipagpalitan ng data sa pamamagitang ng pagkonekta sa Bluetooth device ibang kalapit na Bluetooth device nang walang koneksiyon gamit ang kable. Sa function na ito, mas marami kang magagamit na magkakaibang mga device nang mas mainam.

Para tumawag o magpatugtog ng audio mula sa Bluetooth device, tingnan muna ang mga sumusunod.

• Para sa device na hindi pa rehistrado sa sistema, >tingnan ang "Pagrehistro ng device."
• Ang rehistradong device ay awtomatikong nakakonekta sa sistema kung ilalapit mo ito sa sistema. Kung hindi awtomatikong nagkokonekta, >tingnan ang "Pagdiskonekta sa rehistradong device."

Babala

Ang pagmamaneho habang tuliro ay maaaring magresulta sa pagkawala ng kontrol sa sasakyan na maaaring maging dahilan ng aksidente, malalang sakuna, o kamatayan. Ang pangunahing responsibilidad ng drayber ay ang ligtas at legal na operasyon ng sasakyan, at ang paggamit sa ano mang sistema ng sasakyan, kabilang ang touch screen at kontrol ng manibela, na magtatanggal sa paningin ng drayber, atensyon, at pokus malayo sa ligtas na operasyon ng sasakyan, o ng mga hindi pinayagan ng batas, ay hindi dapat magamit habang ginagamit ang sasakyan. Iparada ang sasakyan sa ligtas na lugar bago ikonekta ang Bluetooth device sa sistema. Maaaring malipat ang atensyon ng drayber mula sa sasakyan at maging dahilan ng aksidente sa kalsada na maaaring magresulta sa mga pagkasria, sakuna, at/o kamatayan.

Pagrehistro ng device

Para ikonekta ang Bluetooth na device sa sistema, idagdag muna ang device sa listahan ng mga Bluetooth device sa sistema.

• Maaaring iba-iba ang screen ayon sa modelo ng sasakyan at ispesipikasyon.

1. Sa screen ng Lahat ng Menu, Pindutin ang SETUP > Mga koneksiyon ng device > Mga koneksiyon ng device > Magdagdag ng bago.

• Para irehistro ang device sa unang pagkakataon, pindutin ang Call na button sa manibela o pindutin ang Phone sa screen na Lahat ng Menu.

2. Buksan ang Bluetooth sa Bluetooth device para ikonekta at piliin ang sistema ng sasakyan sa listahan ng mga nahanap na device.

• Ang sistema ng pangalan ng Bluetooth ay makikita sa Magdagdag ng bagong Device.

3. Tingnan na ang code ng awtentikasyon sa screen ng Bluetooth device ay tugma sa isa sa screen ng sistema at aprubahan ang koneksiyon sa device.
4. Kung ginagamit ng smartphone mo ang Bluetooth na komunikasyon, para i-download ang mga kontak mula sa phone papunta sa sistema o gamitin ang abiso ng text message para payagan ito sa phone mo.

• Pagkatapos maaprubahan ang access request, maaaring magtagal ito hanggang makompleto ang koneksiyon ng Bluetooth. Sa oras na makompleto ang koneksiyon ng Bluetooth, lalabas ang icon ng koneksiyon ng Bluetooth indicator sa taas ng screen.
• Ang pag-access sa data ay maaaring i-enable o i-disable sa pamaamagitan ng paggamit sa Bluetooth Settings na menu sa mobile phone. Para sa karagdagang detalye, sumangguni sa manwal ng user ng mobile phone.
• Para hindi gamitin ang awtomatikong koneksiyon ng Bluetooth, patayin ang Bluetooth na function sa device. Para muling gamitin ang function, buksan ang Bluetooth na function sa device.
• Maaari kang magdagdag ng hanggang 6 na mga Bluetooth device.

Pagkonekta sa rehistradong device

Para gamitin ang Bluetooth device, ikonekta muna ang rehistradong Bluetooth device sa sistema.

• Maaari kang magdagdag ng isang hands-free kit na Bluetooth o hanggang dalawang mga Bluetooth audio device.

1. Sa screen ng Lahat ng Menu, Pindutin ang SETUP > Mga koneksiyon ng device > Mga koneksiyon ng device.
2. Pindutin ang mga icon na ikokonekta.

• Kung hindi mo maikonekta ang device mo, siguruhing naka-enable ang Bluetooth nito.
• Kung biglaang nawala ang koneksiyon dahil sa malayo ito o hindi maayos na paggana ng device, awtomatikong muling nagkokonekta ito sa oras na bumalik ang device sa malapit o sa normal na estado.

Screen ng Bluetooth na koneksiyon

1 Babalik sa dating hakbang.

2 Maghanap ng item ng setting sa pamamagitan ng paglagay ng keyword.

3 Piliin ang hands-free o Bluetooth audio para ikonekta o idiskonekta ang mga Bluetooth device.

4 Magdagdag ng bagong device sa sistema.

5 Mag-delete ng rehistradong device mula sa sistema.

6 Lalabas ang listahan ng mga item sa menu.

• settings ng Phone projection: Palitan ang setting na may kinalaman sa phone projection (kung mayroon).
• Setting ng paghahanap: Maghanap ng item ng setting sa pamamagitan ng paglagay ng keyword.

Idiskonekta ang rehistradong device

1. Sa screen ng Lahat ng Menu, Pindutin ang SETUP > Mga koneksiyon ng device > Mga koneksiyon ng device.
2. Pindutin ang konektadong mga icon.

Pagbura sa rehistradong device

1. Sa screen ng Lahat ng Menu, Pindutin ang SETUP > Mga koneksiyon ng device > Mga koneksiyon ng device > I-delete ang mga device.
2. Pumili ng device na ide-delete at pindutin ang I-delete.

Para i-delete lahat ng rehistradong device, pindutin ang Markahan Lahat > I-delete.

3. Pindutin ang Oo.

• Kapag na-delete mo ang rehistradong device, lahat ng kaugnay na kontak, mga tawag, at mga text ay matatanggal sa sistema.